Cоцијални мрежи:

RSS:

Радио Ватикан

Гласот на Папата и Црквата во дијалог со светот

jазик:

ЦРКВА \ Во Македонија

Во Радово прославен празникот на Марија од Назарет

Процесија во Радово во чест на Марија од Назарет - RV

09/10/2015 10:40

Во неделата на 04 октомври 2015 година во Радово беше прославен празникот на Марија од Назарет, созаштитничка на парохијата.

Неделната Архиерејска света Литургија ја служеше Неговото Високо Преосвештенство д-р Киро Стојанов, во сослужение на повеќе свештеници од Апостолскиот егзархат во Македонија. Владиката во својата празнична проповед на посебен начин повика: „На поголемо настојување во следењето на Марија од Назарет денес во начинот на живеење зашто таа работите ги вршеше во редовна молитва и исполнување со радост на секојдневните обврски...“

Владиката ги предводеше двете процесии: - во сабота околу селото со посета на двете капели во Радово, посветени на Марија од Назарет, односно на Блажена Мајка Тереза. И во неделата околу црквата со статуата на Марија од Назарет.

На празникот му претходеше подготовка со Тродневница, во која оваа година заедничкото молење беше под особената накана:„Марија од Назарет дел од нашите семејствата“. Во четвртокот, наговор на тема: „Да се живее со среќа, прифаќајќи ја Марија покрај нас.“ Имаше д-р Зоран И. Стојанов, парох. Молитвите на Верните, ги предводеше о. Трајче Ташев, капелан. Во петокот, наговор на тема: „Марија, прифаќајќи ја со ентузијазам во нашите семејства“. Имаше o. Горѓи Појразов, парох во Петралинци и Сарај. Молитвите на Верните, ги предводеше о. Илија Стојанов, капелан. Во сабота Н.В.П. д-р Киро Стојанов, наговор на тема: „Марија од Назарет, непрекинат дел од нашите семејства“. Предавање со презентација на тема: „Марија, прифаќајќи ја како Каритас“, одржа богословот Спасе Спасов, национален коориднатор за Парохиски Каритас.

Овогодишното 18. чествување на Марија од Назарет во Радово, беше особено попратено и збогатено со учеството на младите, децата и нивните родители. А заврши со заедничко Агапе подготвено од вредните домаќинки од парохијата во соработка со црковните и каритас одборници.

к.мк/з.и.с.


(Dimitar GantchevMCD)

09/10/2015 10:40